Khrihfa Hlasa Minthang Michael W. Smith Nih “Friends” Timi Hla George H.W. Bush Ruak Cung ah a Sak La

Khrihfa hlasa minthang Michael W. Smith nih “Friends” timi hla cu a voi 41nak US President a rak ṭuanmi George H.W. Bush ruak cung ah a sak la. US President hlun George H.W. Bush ruak cu Washington ah rampi nih vuinak Dec. 5,2018 ah an tuah la.

“Hi hla hi keimah caah sullam tampi a ngei. George H.W.Bush he kum 29 chung hawikom kan si. Amah nih a ruak cung ah hi “Friends” timi hla hi sak ding in a rak ka duh piak,” tiah Smith nih CBN News sinah a chim.

“George H.W. Bush sin in midang cung ah zei bantuk lungput dah kan ngeih awk a si i, zei tin dah kan zohkhenh hna la, kan chawnhbiak hna la timi kaa cawnmi thil tam tuk,” tiah Smith nih a chim chap.

Smith nih George H.W. Bush cu a thih hlan, a luancia thla 3 ah a rak ton, tiah theih a si. Hi tonnak an rak ngeih lio ah Bush nih Smith sinah “Hawikom cu zungzal in hawikom an si ko,” tiah a rak chim.

|CBN News

Leave a Reply

Your email address will not be published. Required fields are marked *