Real Madrid Certual ah Ronaldo le Messi Hmuh Ṭhan an Si Kho Men

Ronaldo nih Real Madrid a chuahtak hnu ah a voi khatnak Messi he Bernabeu certual ah hmuh ṭhan an si kho men. Real Madrid President Florentino Perez nih Ronaldo le Messi cu Bernabeu certual ah Copa Libertadores Final puai zoh ding in a sawm hna.

Copa Libertadores Final ah Boca Juniors le River Plate an i tong la. A puai khatnak an chuih cang i an rak itluk. A voi hnihnak cu Real Madrid certual ah Dec. 9, 2018 ah an chuih lai.

Prez nih Ronaldo le Messi a sawm ko hna nain Ronaldo cu Real Madrid certual Bernabeu ah kir dawh a si lo, tiah The Sun thawngzamh nih a langh ter. Ronaldo cu Real Madrid President Perez ruang ah Juventus ah aa ṭhialmi a si. Real Madrid nih Champions League le Copa Libertadores puai cu an certual ah tuah ding in a cohlan cang.

Real Madrid certual Bernabeu ah tuah dingmi Copa Libertadores Final puai ah Perez nih a sawmmi Ronaldo le Messi cu hmuh ṭi an si la ma ti cu…

|The Sun, AS Sport, AFP

 

Leave a Reply

Your email address will not be published. Required fields are marked *